‘உங்களைத் தேடி உங்கள் ஊரில்” திட்டத்தின் கீழ், 2வது நாளாக நம்பியுர் பகுதிகளில் கலெக்டர் ஆய்வு.

‘உங்களைத் தேடி உங்கள் ஊரில்” திட்டத்தின் கீழ், 2-வது நாளாக, இன்று (17.10.2024) மாவட்ட ஆட்சித்தலைவர் ராஜ கோபால் சுன்கரா அவர்கள் நம்பியுர் வட்டத்திற்குட்பட்ட பல்வேறு பகுதிகளுக்கு நேரில் சென்று பார்வையிட்டு ஆய்வு மேற்கொண்டார்.

‘உங்களைத் தேடி உங்கள் ஊரில்” திட்டத்தின் கீழ், மாவட்ட ஆட்சித்தலைவர; அவர்கள் நேற்று (16.10.2024) நம்பியுர் வட்டாட்சியர் அலுவலகம், நம்பியுர் காவல் நிலையம், தொடக்க வேளாண்மை கூட்டுறவு கடன் சங்கம், எலத்தூர் செட்டிபாளையம் ஆரம்ப சுகாதார நிலையம், அங்கன்வாடி மையம், மேல்நிலைப்பள்ளிகள் உள்ளிட்ட பல்வேறு இடங்களில் ஆய்வு மேற்கொண்டார். மேலும், அனைத்துத் துறைசார்ந்த அலுவலர்களுடன் ஆய்வு மேற்கொண்டு, பொதுமக்களிடம் கோரிக்கை மனுக்களை பெற்று கொண்டார்.

அதனைத் தொடர்ந்து, இரண்டாம் நாளான இன்றைய தினம் (17.10.2024) மாவட்ட ஆட்சித்தலைவர் அவர்கள், நம்பியுர் வட்டத்திற்குட்பட்ட வெட்டையம்பாளையம் பால் உற்பத்தியாளர்கள் கூட்டுறவு சங்கத்தினையும், அங்கு அமைக்கப்பட்டிருக்கும் குளிரூட்டும் நிலையத்தினையும் பார்வையிட்டு ஆய்வு மேற்கொண்டு பால் உற்பத்தியாளர்களுடன் கலந்துரையாடினார்.

தொடர்ந்து, ஆண்டிபாளையம் ஊராட்சி, பள்ளிக்காடு பகுதியில் மின்னணு தொழில்நுட்பம் மூலம் தானியங்கி நீர் மேலாண்மை கருவி பொருத்தப்பட்டு குக்கிராமத்தில் வீடுகளுக்கு குடிநீர் சீராக வழங்கப்பட்டு வரும் பணியினையும், ஆண்டிபாளையம் ஊராட்சி சாணார்புதூர் பகுதியில் திடக்கழிவு மேலாண்மை திட்டத்தின் கீழ் வீடுகளில் இருந்து தூய்மை பணியாளர்கள் மக்கும் குப்பை, மக்காத குப்பை என தரம் பிரித்து வழங்கும் பணியினையும், ஆண்டிபாளையம் ஊராட்சி ஒன்றிய நடுநிலைப்பள்ளியில் முதலமைச்சரின் காலை உணவு திட்டத்தின் கீழ் மாணவ, மாணவியர்களுக்கு வழங்கபட்ட உணவினை சுவைத்து பார்த்து ஆய்வு மேற்கொண்டு, பள்ளியில் வழங்கப்படும் உணவின் வகைகள் குறித்து மாணவ, மாணவியர்களிடம் கேட்டறிந்தார்.

இந்த ஆய்வுகளின்போது, உதவி இயக்குநர் (ஊராட்சிகள்) உமாசங்கர், நம்பியூர் வருவாய் வட்டாட்சியர் ஜாகிர் உசேன், நம்பியூர் வட்டார வளர்ச்சி அலுவலர்கள் திருமதி.சாந்தி, திருமதி.சரஸ்வதி உட்பட தொடர்புடைய துறை அலுவலர்கள் உடனிருந்தனர்.