ஈரோடு மாவட்டம், அரச்சலூர் நவரசம் கலை அறிவியல் கல்லூரியில் 2023 - 24 ஆம் ஆண்டு கல்வியாண்டில் படித்த மாணவிகள் பல்கலைக்கழக தேர்வில் 6 தங்கப் பதக்கத்தையும், 39 தரவரிசை பட்டியலிலும் இடம் பிடித்து சாதனை படைத்துள்ளனர். அதன்படி தமிழ் துறை சார்ந்த மாணவிகள் இளங்கலை தமிழ் தூ.காவியா மற்றும் முதுகலை தமிழ் மு. நந்தினி முதலிடம் பெற்று இரண்டு தங்க பதக்கத்தையும், இயற்பியல் துறையைச் சார்ந்த மாணவி சே.மோகனப்பிரியா முதலிடம் பிடித்து தங்கப்பதக்கத்தையும், வேதியல் துறையைச் சார்ந்த மாணவி சு.வினோதினி முதலிடம் பிடித்து தங்கப்பதக்கத்தையும், உயிர் வேதியல் மாணவி பா.சௌமியா முதலிடம் பிடித்து தங்க பதக்கத்தையும், கணினி பயன்பாட்டு துறையை சார்ந்த மாணவி
க.பானுப்பிரியா முதலிடம் பிடித்து தங்க பதக்கத்தையும் பெற்றுள்ளனர்.
மேலும் பல்கலைக்கழக தரவரிசை பட்டியலில் 39 தரவரிசைகளை பெற்று சாதனை படைத்துள்ளனர். சாதனை படைத்த மாணவிகளை கல்லூரியின் தலைவர் டி.கே.தாமோதரன், செயலாளர் செந்தில்குமார், பொருளாளர் சி.பழனிச்சாமி மற்றும் கல்லூரியின் முதல்வர் முனைவர் இரா கனிஎழில், துணை முதல்வர் வி.சீனிவாசன் மற்றும் பேராசிரியர்கள் ஆகியோர் பாராட்டி பரிசுகளை வழங்கினார்கள்.
