ஈரோடு கிழக்கு சட்டமன்ற தொகுதி இடைத்தேர்தலை முன்னிட்டு ஈரோடு மாநகராட்சி அலுவலக வளாகத்தில் இன்று (23.01.2025) தேர்தல் நடத்தும் அலுவலர் / ஈரோடு மாநகராட்சி ஆணையாளர் எச்.எஸ்.ஸ்ரீகாந்த் அவர்கள் 18 வயது பூர்த்தியான வாக்காளர்கள் அனைவரும் 100 சதவீதம் வாக்களிக்க வேண்டும் என்பதை வலியுறுத்திடும் வகையில் வாக்காளர் விழிப்புணர்வு பேரணியினை தொடங்கி வைத்தார்.
.jpeg)
இந்திய தேர்தல் ஆணையம், வாக்காளர்கள் அனைவரும் வாக்களிக்க வேண்டும் என்பதற்காக பல்வேறு நடவடிக்கைகளை மேற்கொண்டு வருகிறது. அதன்படி, ஈரோடு கிழக்கு சட்டமன்ற தொகுதிக்குட்பட்ட பகுதிகளில் 18 வயது பூர்த்தியான வாக்காளர்கள் அனைவரும் வாக்காளர் பட்டியலில் இடம் பெறுவதற்காக வாக்காளர்களிடையே விழிப்புணர்வு ஏற்படுத்தப்பட்டு வருகின்றது. மேலும், இந்திய தேர்தல் ஆணையத்தால் ஈரோடு கிழக்கு சட்டமன்ற தொகுதி இடைத்தேர்தல் நாளான 05.02.2025 அன்று பொது விடுமுறையாக அறிவிக்கப்பட்டுள்ளதால், தகுதியான அனைத்து வாக்காளர்களும் 100 சதவீதம் வாக்களித்து, ஜனநாயக கடமையாற்றிட வேண்டும்.
.jpeg)
அந்த வகையில், இன்றைய தினம் ஈரோடு மாநகராட்சி அலுவலக வளாகத்தில் 18 வயது பூர்த்தியான வாக்காளர்கள் அனைவரும் 100 சதவீதம் வாக்களிக்க வேண்டும் என்பதை வலியுறுத்தி கல்லூரி மாணவியர்கள் பங்கேற்ற விழிப்புணர்வு பேரணி நடைபெற்றது. இப்பேரணியில் கல்லூரி மாணவியர்கள் "வாக்களிப்பது ஜனநாயக கடமை", "வாக்களிப்போம், வாக்களிப்போம்", "பாரதத்தின் பெருமை ஓட்டுரிமை" உள்ளிட்ட 18 வயது நிரம்பிய அனைவரும் வாக்காளர்களாக பதிவு செய்ய வேண்டும், வாக்காளர்கள் அனைவரும் கட்டாயம் வாக்களிக்க வேண்டும் என்ற விழிப்புணர்வு வாசகங்கள் அடங்கிய பதாகைகளை ஏந்தி விழிப்புணர்வு ஏற்படுத்தினர். இப்பேரணியானது மாநகராட்சி அலுவலகத்தில் துவங்கி மாவட்ட ஆட்சியர் அலுவலத்தில் முடிவடைந்தது.
இந்த நிகழ்ச்சியில், உதவி ஆட்சியர் (பயிற்சி) ராமகிருஷ்ணசாமி, துணை ஆணையர் திருமதி.தனலட்சுமி, மாநகர பொறியாளர் விஜயகுமார், பொறுப்பு அலுவலர் / மாவட்ட சமூக நல அலுவலர் திருமதி. சண்முக வடிவு, ஒருங்கிணைப்பாளர் (பள்ளிக்கல்வித்துறை) திருமதி.கீதா உட்பட கல்லூரி மாணவியர்கள் உட்பட தொடர்புடைய துறை அலுவலர்கள் கலந்து கொண்டனர்.
