வாக்கு சேகரிக்க வந்த அமைச்சரை, ஆரத்தி எடுத்து வரவேற்ற தாய்மார்கள்...

இந்தியா கூட்டணி சார்பாக திராவிட முன்னேற்றக் கழகத்தின் வேட்பாளர் வி. சி. சந்திரகுமார் அவர்களை ஆதரித்து மாண்புமிகு தமிழ்நாடு வீட்டு வசதி மற்றும் நகர்ப்புற வளர்ச்சி துறை அமைச்சர் சு. முத்துசாமி அவர்கள்  வீரப்பன்சத்திரம் பகுதியில் உள்ள 24 வது வார்டின் அனைத்து வீதிகளிலும் வீடு வீடாக சென்று தீவிர வாக்கு சேகரிப்பில் ஈடுபட்டார் .

இந்த வாக்கு சேகரிப்பின் போது, அப்பகுதியிலுள்ள மகளிர் மற்றும் தாய்மார்கள் கூட்டம் கூட்டமாக ஆரத்தி எடுத்து, அமைச்சர் சு. முத்துசாமி மற்றும் வேட்பாளர் வி. சி. சந்திரகுமார் ஆகியோர்க்கு வெற்றி திலகமிட்டு வரவேற்றனர்.

உடன், இந்தியா கூட்டணி கட்சித் தலைவர்கள்  மற்றும் கழக மாநில, மாவட்ட மாநகர, வட்டக் கழக, பகுதி கழக நிர்வாகிகள் மற்றும் ஈரோடு மாநகர செயலாளர் சுப்பிரமணியம் அவர்கள், வீரப்பன்சத்தின்  பகுதி கழக செயலாளர் வி.சி நடராஜன் அவர்கள், 24 வது வார்டு மாமன்ற உறுப்பினர் ப. க. பழனிச்சாமி அவர்கள் ஆகியோர் மற்றும் தொண்டர்கள் பலர் கலந்து கொண்டனர்.